Afgreiðslutími
Efnamóttakan hf. er opin virka daga frá 7:30 - 16:15.
Á höfuðborgarsvæðinu er einnig tekið á móti spilliefnum frá heimilum og fyrirtækjum á endurvinnslustöðvum Sorpu á höfuðborgarsvæðinu og endurvinnslustöð Gámaþjónustunnar, Berghellu 1, Hafnarfirði.
Efnamóttakan hf.
- er eina sérhæfða fyrirtækið í móttöku spilliefna á Íslandi.
- er í samstarfi við viðurkennda erlenda eyðingaraðila.
- ábyrgist að öll meðferð spilliefna og gagna uppfylli ströng skilyrði um slíka starfsemi.
- gætir fyllsta trúnaðar gagnvart móttöku efna og gagna sem berast til eyðingar.
Skilum rafhlöðum til eyðingar
Í rafhlöðum eru spilliefni sem eru hættuleg bæði heilsu okkar og náttúrunni komist þau í snertingu við umhverfið. Á endurvinnslustöðvum SORPU er hægt fá gefins sérstaka kassa fyrir rafhlöður sem Efnamóttakan hf. hefur látið útbúa.
Það er því mikilvægt að engar rafhlöður endi í heimilissorpinu heldur sé komið til úrvinnslu til viðurkenndra aðila sem hafa þekkingu til að farga eða eyða rafhlöðunum, og þar með lágmarka umhverfis- og heilsuspjöll af völdum rafhlaðna. Þær rafhlöður sem eru skaðlegar eru þær sem innihalda kvikasilfur, nikkel-kadmíum og lithium en það er samt sem áður æskilegt að skila öllum rafhlöðum til eyðingar og láta fagmennina sjá um að flokka þær. Á endurvinnslustöðvum SORPU eru tunnur fyrir rafhlöður en einnig er hægt að skila rafhlöðum á flestar bensínstöðvar svo dæmi séu tekin.